Proyektonan
Radio Rumbo Nobo
‘Bo radio di gospel digital!’
E radio di Internèt ku programashon variá 24/7
Estudionan i mensahenan bíbliko, lesamentu di Beibel
I músika kristian na Ingles, Hulandes, Spañó i Papiamentu. ‘Download’ e App di Radio Rumbo Nobo i sigui e radio riba bo telefòn òf tèblet.
Klek aki pa skucha ‘Radio Rumbo Nobo’ riba bo kòmpiuter.
E Ora di Grasia
Un ministerio di instrukshon bíbliko di Calvin Varlack, bibu i interaktivo riba Radio Grasia.
Na papiamentu, di djamars pa djabièrnè, 2’or pm – 3’or pm ora di Kòrsou
Oyentenan por partisipá den ‘real time’ dor di manda nan reakshonnan i preguntanan i
haña un reakshon i kontesta mesora.
Palabra Kla
Un programa di diskushon radial riba temanan doltrinal òf problemanan aktual
Ku ta nesesario pa duna e perspektiba bíbliko riba dje. Tur djabièrnè mainta di 8.05 pa 8:35 na Radio Semiya FM Kòrsou.
Mi Delisia
Un ministerio instrukshon bíbliko pa hende muhé tresé pa Sylvia Varlack. Tur djamars mainta di 9’0r pa 10’0r na Radio Semiya FM Kòrsou.
Liber di Bèrdat
Un ministerio di estudio di Beibel semanal na
Sentro di Detenshon i Korekshon di Kòrsou (SDKK)
Estudio di Beibel Rumbo Nobo
Estudio di Beibel evangelístiko den sentronan di bario. Método: Lesamentu di un buki di Beibel den grupo chikitu i análisis di e bèrdatnan spiritual kontené den e teksto. Diskushon i aplikashon di e bèrdatnan ta guía na desishonnan di kambio di bida.
